قصيدة أجت زينب في اصدار اعذريني مكتوبة وكاملة

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم


السلام عليكم



اليكم القصيدة الاصليه اللتي جاءت في اصدار اعذريني ..

لاتنسوني من الدعاء ...


اجت زينب دمعها ايسيل وتهلهل لكافلها

سمعها وكال عد عيناج كولي وأمري يكلـــــها



هلاهل ولعزيزه اتصيح دك الكاع جدمه وكام

غيره وشاطت ابراسه ورجف من الجدم للهام

دخن ونتخه ابزينب ظرغام وشبل ظرغام

اجاهه ايصيح عدعيناج ليش الدمع سايلها
-----

عدعيناج اجاههايصبح عدعيناج باالحره

ويوم الشافته ابهل حال مختاض وطرد صبره

سبع تنعام كالتله وظمت راسهه ابصدره

وكالت يبن ابوى الكوم وصلتنه اشبعد شلها
----

كالت يبن ابوى الكوم وسلونه اوهذوله الكوم

ولاناصر بقه ويحسين غيرك والسرايه اتحوم

ياالدكيت صدرك كوم حل وكت الزماط اليوم

هذا الجود والرايه وهذا السيف كوم الها
------

كوم الها وعرفك حيد من تزعل تخوف الخوف

من تجبل شبه طوفان حيلك ما ترده اصفوف

كوم وشيم اختك كوم بعد اختك دخلها اتشوف

فعلك يالكلت عيناج لحد وصل عايلها
----

عايلها وتشوف الكوم كثره وماتردها احدود

شد حيلك يسور احسين ياذخره ويذخر العود

يخويه وسكنه تطلب ماى شبحت عينها اعلى الجود

ودرى اعلى النهر فرسان حلفو ماتطبلها
---

حلفو ما تضوك الماى وعيالك تريد الماى

كاللها اجيب الماى ماتصعب يزينب هاى

هز سيفه ولوه احجاجه وراح اعلى النهر عناى

سل سيف المنيه وصاح بيها وشرعت كلها
---

كلها وصاح بيها الموت وذراع انشبك بذراع

مذهوله ونخاهه بليس فزاع اباثر فزاع

وجاهم يهدر العباس عفيه وما تطيح الكاع

كلها اتدوهنت والخيل ردت من زرك صلها
----

صل وتمايز الفرسان طر كلب الصفوف وراح

لاخرها ورجع مختاظ جردس عالجناح اجناح

طشت من رعيد الصوت انا العباس يوم الصاح

رد لمها وكلبها اردود خله العالى سافلها
----

سافلها وحده الحداى وطرب والدروع ادفوف

اليوكع سلم ورتاح لون الماوكع مخطوف

رهب سبعين الف هالسيف ماوكفت ابوجها اسيوف

يودى اولها لاخرها ويجيب اخرها لولها
-----

يجيب اخرها لولها ويهب اردود عاصف ريح

والزلزال جدحة غيض وبصوته الرعيد ايصيح

بالطف صار ملج الموت وكلوب التشوفه اتطيح

حى احزام ظهر احسين من اختاظ زلزلها
----

زلزلها وكظه المريود والجيش انكشف عنه

عاد انوب كال الماى وعلى المشرعه اتعنه

كبال اعيونهم من فات بس اليعترض فنه

ملكها وثبت الرايه وراواهم مراجلها
-----

مراجل من وصل عباس للماى وتشوفه العين

طبلها وترس جوده مزامط وى الف سبعين

لاجن كول ظاك الماى بس ما ذكر كلب احسين

ذبه ويابسه اشفافه وما كادر يبللها
----

ماكادر يبللها وسكنه التانته ابلهفه

منهو اللى مثل عباس يرمى الماى من جفه

حد حد الوفه اتعداه وفاى وصدك وفه

كلمة وفه اتلوك اعليه والعباس لاكلها
-----

لاكلها او وكف عباس صاح اهنا يبو الحسبين

هذا اليوم يومى اليوم من سيفى اليفر لاوين

لفنيهم ونا العباس........ شبلك يااسد صفين

كون احسين اهو المريود..... اراويهم فعايلها
---

فعايلها وركب مهره .....وكلوب الابطال اتلوج

اشما تكثر يغطها السيل....... سيل ومن دماها اتفوج

كردس عالسرايه اصفوف..... ونطف اللوه اعلى الفوج

والمارد ابرمحه انشال...... والفرسان جندلها
-----

جندلها ونوه اعلى الكوم..... يكظيهم بلا رده

سمع صوته وجاه احسين.... مسرع من عرف كصده

خل ايده على امتونه..... يكله وغايته ايهوده

يخويه بالشهاده انفوز..... وبصبرك نحصلها
----

نحصلها وجموع الكوم.... من كل صوب اجت ليهم

طحنها ابسيفه ابو السجاد....... والعباس يلهيهم

يفرشهم يرد احسين.... اخيه ايكوم يطويهم

قرة عين داحى الباب...... يشبوله وفعايلها
----

فعايلها وتموج الكوم...... والعباس بيها ايجول

مابين اليردها احسين..... وفواج وسرايه اتحول

ساعه ولنه يسمع صوت.... ادركنى يخويه ليكول

اجاه ايصيح ياعباس......... هسا فرح عاذلها
---

اجاه ومن اجاه اشلون..... كبل لايوصل ويلكاه

شاف ايمينه وشماله..... وعله النهر شاف الواه

ذب روحه اعلى اخيه وصاح... يحزام الظهر ويلاه

رغم كل الشماته احسين........ صاح وماتحملها
---

صاح وكعد يم عباس.... وبحركه الدمع صبه

مره ايحبه بزنوده........ ومره ابهامته ايحبه

وجر السهم من عينه..... مثل ماجر سهم كلبه

يكله اتوحدونى الكوم...... بعدك يالجنت سلها

كتبت بقلم الشاعر عبد الخالـــــق المحــــنة فى الشهر العاشر سنة 1999





نسالكم الدعاء