نوم الرجل فى بيت خطيبته

بسم الله ا لرحمن الرحيم
السلام عليكم ورحمة الله وبركاته

الحمد لله والصلاة والسلام على رسول الله وعلى آله وأصحابه الأوفياء المنتجين واللعنه الدائمه على اعداءهم إلى يوم الدين

هذي القصه قبل الموضوع بين محمد (متزوج) وعلي ( عزوبي) طاحين حش على جعفر ( خاطب) :
علي : وش هالحاله دي
محمد : وش فيك
علي : ماتشوف حل الى جعفر
محمد : ليه وش فيه
علي : كل الليله اشوف سيارته عند بيت خطيبته الى اخر الليل والى الصبح
محمد : عادي يمكن نايم في بيت خطيبته
علي: وش ينام هناك
محمد : يعني ينام .. حتى انا يوم كنت خاطب كنت انام في بيت خطبيتي و اطلع من بيتهم الى العمل .. عادي وش فيها
على : انا والله ماأأيد .. تخيل لو يشوفني عمي او عمتي ( ابو او ام الخطيبه) وش يقول
محمد :..وش بيقول يعني عادي .... وش عليي منك انا ...روح شوف كل الخاطبين يسو كده الحين
يالله باقوم اروح النادي باشوف دورة الطائره
علي: شاه من ومن اليوم
محمد : مادري والله بس شكله ابو قمر ( محمد سعيد ويا ولاد عمه بيلعبو ) يعني حماس يالله باروح
علي: يالله نشوفك هناك ونكمل موضوعنا في الاستراحة ادا خلصنا
محمد : يالله
علي : حياك الله

وانتوم وش رايكم في الي يسويه جعفر والي قاله علي او الي قاله محمد

ارجو من الجميع التفاعل وطرح رأيه سواء كان متزوج أو خاطب أو عازب او بنت أو ولد أو إمرأة أو رجل ومن ثم يختم قوله
(أوافق على النوم في بيت الخطيبه )
(أعارض النوم في بيت الخطيبه)

نقاش رائع فعلا وهذه ضاهره منتشره في مملكتنا ولكن كثرث هده الايام وكثرث هده المهزله بان ينام الخطيب ببيت خطيبته
وانا برايي لااائيد هذا الشي ابدا لانه يحمل الكثير من السلبيان وقليل من الايجابيات وكثير من الاخطاء والمشاكل تصدر من هذه
الضاهره فاعذرروني يا فتيات وشبان انني لااؤيد هالشي فانه واحده من الفتيات اللاتي يستحقرن هذا الشي
لانه بالاول والاخير سوف تكون معاه ببيت واحد وبيعيش معاه العمر كله انشاء الله ولا يستعجل ولا تستعجل على هالشي (أعارض النوم في بيت الخطيبه)
يسلموووووووو حنينو ودمتي بود

أما بنسبة لي لا أعارض النوم في بيت خطيبتيوكلام الناس لايودي ولايجيب
عآد مره الحين الي يشوفني بانام في حضنها .. يعني اكيد باكون نايم في المجلس وهي في غرفتها..
الشي مره عادي بانسبه ليي ومافيه اي مشكله وانا أأيده
اوريدي حنين يسلموو على النقآآش الممتع
دمتي بود يالغلآ..

الله يسلمكم
وكل واحد وجهت نظره